Karlakór Rangæinga

Sagan

Karlakór Rangæinga var stofnaður 1990 og er því að ná bílprófsaldrinum um þessar mundir. Söngmenn eru orðnir 53 úr öllum hreppum Rangárþings að einum undanskildum. Núna eru 14 í fyrsta tenór, 14 í öðrum tenór, 14 í fyrsta bassa og 11 í öðrum bassa.

Fyrstu fimm árin stjórnaði Gunnar Marmundsson kórnum en eftir það Guðjón Halldór Óskarsson. Æft er tvisvar í viku frá því í byrjun september fram í apríl. Reynt er að halda tvenna tónleika heima í héraði á hverju söngári. Auk þess syngur kórinn við ýmis tækifæri, innan héraðs og utan.

 Árið 2003 var farið í mikla söngferð til Ungverjalands, heimkynna Laslós og 2005 var farið til frænda okkar Færeyinga og Tórshavnar Manskór sóttur heim.