Karlakór Hreppamanna

Sagan

Kórinn var stofnaður seint í mars, yfir rauðvínsglösum, árið 1997. Hugmyndir um karlakór höfðu skotið upp kollinum af og til þegar karlar úr Vörðukórnum og Kirkjukór Hruna- og Hrepphólasóknar hittust, en á þeim tíma stjórnaði Edit Molnár báðum kórunum. Þó að fyrsta æfingadag kórsins bæri upp á árlegan "gabbdag" Íslendinga mættu samt um 20 karlar það kvöld. Edit Molnár tók að sér að stjórna kórnum og maður hennar Miklós Dalmay annaðist píanóleik fyrir kórinn. Æfingar voru ákveðnar á þriðjudagskvöldum og hefur sá siður haldist á starfstíð kórsins.

Fastir liðir í starfinu eru til dæmis æfingardagar, þar sem kórinn fer heilan laugardag í æfingarbúðir, vorferðir og nú á nýrri öld karlakvöld og að sjálfsögðu vortónleikar sem eru uppskera ársins. Mætingar og þátttaka kórfélaga hafa verið svo gott sem án forfalla, þótt sumir keyri meira en 100 km. á æfingar. Karlakór Hreppamanna stendur klettfastur í karlakóramenningu landsins.