Karlakór Dalvíkur

Sagan

Árið 1952 stofnuðu nokkrir áhugasamir menn á Dalvík og í Svarfaðardal söngfélagið Sindra. Starfaði það í nokkur ár en 1960 var nafni kórsins breytt í Karlakór Dalvíkur. Gestur Hjörleifsson stjórnaði kórnum allt til ársins 1981. Ýmsir stjórnuðu kórnum uns núverandi stjórnandi, Guðmundur Óli Gunnarsson tók við árið 2001. Árið 1975 gaf Karlakór Dalvíkur út hljómplötuna “Svarfaðardalur” sem var endurútgefin á geisladisk árið 1993. Árið 1999 var gefinn út geisladiskurinn “Syngjandi sæll og glaður” og árið 2006 kom svo "Mál er í meyjar hvílu.”
Kórinn hefur ætíð tekið þátt í Heklumótum og eru enn nokkrir af “gömlu jöxlunum” starfandi í kórnum.